ЦИЛЬ И СМИСЕЛ

Дньове пребуванє спада до дньових услугох у заєднїци у обласци социялней защити. Здруженє
„Белава птица“ обезпечує услуги социялней защити на найвисшим уровню квалитету и стандардох
о чим шведочи и факт же зме достали Лиценцу Министерства роботи, обезпечованя роботи и
социялней политики за орґанизованє дньового пребуваня за капацитет 30 дзецох и одроснутих
особох зоз почежкосцами у розвою.
Циль услуги же би ше хасновательови обезпечела регабилитация, розвой потенциялох за
самостойне старанє о себе, едукацию и воспитну роботу през прилагодзени змисти. Тиж так,
хаснователє уключени до специялних програмох за розвой способносци бешеди, думаня, водзеня
рахунку о себе, розвою физичних способносцох.
Робота у дньовим пребуваню орґанизована през индивидуалну и ґрупну роботу. У ґрупней роботи
хаснователє робя у малих ґрупох по 6 особи зоз єдним воспитачом-дефектолоґом .
Дньове пребуванє ма свой ритем дня, так же кажди дзень, после ранших ритуалох и зазберованя
хасновательох коло кафи, почина зоз физичнима вежбами, потим хаснователє маю 4 ґрупни або
индивидуални воспитни образовни и регабилитацийни активносци, после чого шлїдзи полудзенок
за хасновательох, одпочивок и шлєбодни и креативни активносци. Дньове пребуванє роби кажди
дзень од 7:00 до 15:00 годзин.