ДНЬОВЕ ПРЕБУВАНЄ-УПИС И МОЖЛЇВОСЦ ХАСНОВАНЯ

Можлївосц хаснованя услуги дньового пребуваня ма кажда особа (дзецко и одроснута особа) зоз
почежкосцами у интелектуалним розвою або вецейнїсто онєможлївени особи хтори жию на
териториї Општини Кула. У трошкох услуги участвує Општина Кула и сам хаснователь спрам скали
участвованя у трошкох услуги.
Нєт одредзени рок за упис хасновательох до дньового пребуваня, хаснователє спрам своїх
потребох подноша вимогу за упис особнє або по упуту Центру за социялну роботу Кула.
У найкратшим можлївим року хаснователь достанє обвисценє чи постої можлївосц хаснованя
услуги, спрам доступних капацитетох. Кед же капацитети пополнєти, хаснователь идзе на лїстину
чеканя за упис.
Каждого календарского року хаснователє ше уписую до дньового пребуваня и теди ше, у случаю
же постої векше число заинтересованих хасноватеьох у одношеню на капацитети, реализує
приманє на основи критериюмох за приоритет приєму хасновательох.
Право хаснованя услуги дньового пребуваня як форми социялней защити и регабилитациї маю
дзеци зоз почежкосцами у розвою без огляду на тото чи су уключени до образовней установи чи
нє.
Документация потребна за упис:
– Фотокопия вивода зоз матичней кнїжки народзених
– Фотокопия особней карточки родителя/старателя
– фотокопия особней карточки хаснователя (кед ю ма)
– фотокопия ришеня о катеґоризациї або думаню интерресорней комисиї
– потвердзенє о особних приманьох хасновательох вєдно зоз ришеньом о додатку на ЦБП
– Фотокопия здравственей кнїжочки
– Важни лїкарски находи о стану хаснователя
– Пополнєта вимога за приманє до установи